La tòca de lassociacion Per Noste es lo desvolopament de la lenga e la civilizacion occitanas de Gasconha, publican la revista País Gascons, dempuèi junh de 1967 ; an un catalòg de libres de totas las tematicas: romans, poesia, ensenhament, per enfants, fablas, istòria, bendas dessenhadas… An anonciat lo segond Harry Potter per 2010, 'Harry Potter e la crampa deus secrets' … Mas çò que vos volèm prepausar es sa seccion documents àudios, ont anatz trobar una cinquantena de tèxtes legits de divèrses autors. Plan utiles per los quaprénon la lenga. Vos navèm causit la fabla la hemna e lo miralh, de Cesari Dauger, per la qualitat, e per lextension: una justa minuta. Lescotatz. E lo document sonor nos deuriá menar al libre. Lo Canonge Cesari Dauger nascut en 1858, mòrt en 1945 es un dels autors mai importants de las Lanas e de Gasconha. Publiquèt fòrça, siá poesia, siá pròsa, e faguèt de collectatges sus la cultura populara de Gasconha. Inspirat en las Fablas de La Fontaine ensagèt dactualizar aquel genre quauriatz dich dautres còps ; faguèt la fabla de lautò, la de la bicicleta, aquela de lelectricitat e la candela… Vos racomandi ledicion e son glossari de 12 paginas de lètra sarrada. Fablas gasconas còsta 13 èuros 30, e se pòt comandar a Per Noste o a la libraría Alibri. Habemus domus. Joan Ròca, director del Musèu dIstòria de Catalonha a anonciat la recuperacion e dubertura al public dun ostalàs roman del sègle 4. Lo nou espaci se tròba al 2 de la carrièra de la Fruita, just darrièr la Plaça Sant Jaume. Se sètz daqueles, totjorn presats, quavètz pas léser de far res, vos recomandi plan aquela visita, gratuïta - al mens pel moment - que vos oferís dos espacis en un. Se lostal es del sègle 4, qualques mètres pel subre e sus plaça quaquun bastiguèt sièis sièjas dins lo sègle 13 o 14. Aquòs lilluminacion que vos plaçarà en quina epòca: farètz 10 sègles en un cric dinterruptor, de la Barcino romana dels rics, als magazins dels josieus medievals catalans. Lo jaciment se tròba al dessús de la Casa Morell, polit edifici bastit en 1851. Qual sap, benlèu un jorn los barceloneses visitaran tanben sas rèstas arqueologicas a lensems ambe las autras. La visita es gratuïta fins lo 31 de mai. E comença lo salon de las bendas dessenhadas de Barcelona, del 6 al 9 e mai. 28ena edicion. Entre los invitats internacionals i aurà Tardi, Libertore, Shelton…I aurà tanben las distribuidoiras cinematograficas, per dire destudiar aquel fenomèn de las bendas adaptadas al cinèma: las aventuras extraordinàrias d'Adèle Blanc-Sec es un filme escrich e dirigit per Luc Besson, basat en la seria de Jacques Tardi ; El Gran Vázquez, es un filme protagonizat per Santiago Segura e dirigit per Óscar Aibar da partir de la vida del dessenhaire espanhòl Manuel Vázquez. Plan segur, anam pas trobar de bendas dessenhadas en occitan al salon, mas a Alibri anatz trobar las bendas dessenhadas de Titeuf en occitan, que son un fenomèn e en libre e en animacion. E se sètz pas tardièrs i anatz trobar quicòm mai a Alibri: Los invisibles, de Jean Harambat. Al salon lanatz trobar en francés, editat per Futuropolis; e a Alibri, lanatz pescar, o comandar, en gascon. Editat per Per Noste, que vos ai dich abans que fan de bendas dessenhadas tanben. Los invisibles es un roman grafic istoric de capa e espada que se passa a la Gasconha del sègle 17. Harambat es gascon lanusquet. e sap de qué parla. A ganhat lo premi de la benda dessenhada istorica de Bles amb aqueste trabalh impresindible. E se lagacham un pauc? Un autor quescriu en una lenga parlada per paucas gents. Una lenga ques pas oficiala al gròs de son país, e que totun es oficiala en una petita partida duna democracia vesina. Aquò nos ditz quicòm, verdat ? Solide! La lenga es lasturleonés, e la democracia vesina es Portugal. E lautor que vosn vòli parlar es Xuan Bello, que ven de publicar en catalan, revirat per Jordi Raventós, La neu i altres complements circumstancials en cò de leditoriala adesiara. Lautor venguèt presentar son libre en Barcelona, e linfòc profiechèt per entrevistar lautor. Lo quatren de pagina nos ditz que lo libre nos conta la vida e la mòrt, lo temps, lo paisatge, la poesia, los amics, los contes e costums dautres còps... Lautor nos diguèt sa prepausa, mas aquòs matèria per linfòc alongat ! Monde, venètz sus nòstra paja a www.btvnotícies.cat, que Xuan Bello, uns dels autors mai importants dEspanha, nos parla en sa lenga per linfòc. Aquòs una primièra! Mas, se volètz que vos digan ignorants vengatz pas, aquòs a vos de causir ! Òu, los dinternet, parla Xuan Bello, escotatz... e agachatz !
