A la debuta i aguèt Jaume Figueras. Quan qualquun a Catalonha, comencèt de sinteressar a loccitan, i aviá ja interessat dempuèi longetmps, Jaume Figueras. Los estudioses doccitan denpraicí, los mediocres, los competents, los sabentasses… Totes sabèm que jamai de nòstras tristas vidas, comptant reincarnacions, sabrèm en occitan tot çò que sap Jaume Figueras ; e aurèm pas produsit la quita mitat de la mitat de çò qua produsit Jaume Figueras ; quacamparem pas tanpauc de nòstras tristas vidas, comptant reincarnacions, tanben, – ai! – una biblioteca occitana tan gròssa e polida coma la de Jaume Figueras. E çaquelà es pas ufanós ! Pecaire, volriá poder asirar Jaume Figueras!
Vesètz que los collègas del Vaquí, lemission en occitan de Marselha, venguèt entrevistar Jaume Figueras, que presentava traduccion. Gardèrem torn en silenci. Puèi lo faguèrem parlar per linfòc. E adiu, plavenguts a lInfòc.
Mercejam, en nom de linfòc de Btv e tanben de Vaquí de França 3, lacuèlh de lAtenèu Barcelonés.
Aquela caraca camarguesa de debuta de sègle 20 lanatz trobar dins leditoriala Galerada. Vos cal crompar la gitana, edicion bilenga.
E los caracos barceloneses de mejan sègle XX los podètz anar trobar tanben. Vos cal anar lArquiu fotografic de Barcelona e al cinèma Alexandra. Un documentari, una mòstra fotografica: dos en un. Jacques Leonard foguèt e escrivan, e adomergaire de cavals de corsa, e montador de filmes, e fotograf. Amai daquò se faguèt caraco per volontat pròpria. Que nera un pauc, son papèt pairal èra estat una caraco. Jacques Leonard èra nascut en París, en 1909, moriguèt a LEscala en 1995, e en 1950 sen venguèt viure aiçabàs, a Barcelona. E per de qué ? Per amor. Leonard sèra maridat ambe la modèl de pintors Rosario Amaya, cosina de la bailaora Carmen Amaya. Jacques Leonard aviá fotografiat compulsivament caracos de tot lo mond, per tot lo mond. Mas pas tantes coma aicí, que passèt 20 ans a retrachar la comunautat gitana de Barcelona. Lo filme que parla daquela istòria damor, a una femna e un pòble, aquòs lo felen de lautor que la fach: Yago Leonard. Lo documentari Jacques Leonard. El payo Chac – vos ai dich -se pòt veire al cinèma Alexandra, a Rambla Catalonha. E la mòstra fotografica – vos ai dich tanben – es a lArchiu Fotografic, al 2 de la Plaça Pons i Clerch. Es gratuïta. Totas las fòtos son ineditas. E vos agradaràn. Parlan de la pauretat, solide, mas tanben – e subretot – de la jòia de viure. La mòstra es dubèrta fins debuta de 2012.
Diriatz que càmbia lo mond ? Benlèu òc. Aquesta peça de mond a virat a drecha. Barcelona a virat a drecha, Aran a virat a drecha, las comunautats non-istoricas despanha an virat a drecha, coma las istóricas quavián ja virat a drecha. Se vesiá quanava arribar. Accion-reaccion, centenats daltermondistas forra-borra an pres la Plaça de Catalonha de Barcelona. Son messatge ? O cal tot repensar ? O al mens, cal repensar lesquèrra. Mas aquò son parpèlas dagaça. Dunes an pres la plaça, mas la dimenjada passada,… la fòla dels afogats del fot, a pres la carrièra. Avèm dich a dr. Bardòu de o avalorar. Mas Bardòu nos a dich que demòra al pres de Tolosa, que la politica dEspanha li passa a quicòn pres 200 quilomètres, e que sen fot del foot, quel aima mai lo rugbí. Nos a fach sa seccion literària alavetz. Nos esclaira dr. Bardòu.
E cal clavar la seccion en dubèrt. Jaume Figueras aviá encara de causas a dire, e lavèm copat. Nos las ditz per la version integrala de linfòc, la dinternet. Vos ditz quicòm lo nom Loís Bellaud de la Belaudièra ? Non!? Se pòt pas! Pensatz a un paure bogre que sabriá pas qual es aquel, Lionel Messi. Bon, aquòs pièger! Venètz de davalar de la planeta Neptun? Per vos informar.Tre deluns al ser, sus www.btvnoticies.caT , sul tag infoidiomes, çai venètz… e agachatz!
