Info Occità llenguadocià

Adiu, plavenguts a l'infòc. Sabètz çò pièger de l'intellectual de cultura minorizada es lo pluriemplec. E ben òc, un musician anglés es aquò, un musician anglés. Se vos disi Roger Waters me dirètz : musician, anglés ; dirètz Bòno, vos dirai musician, anglés. Canta en anglés, es anglés. Per contra, se vos disi Manu Isopet me dirètz : musician, professor, patron d'estanquet ocasional, doblador, creator, animator... occitan. L'avèm agut en Barcelona, l'avèm entrevistat lo 9 de mai a cal Abuelo: lo bar mai piós - qu'es tot consacrat a Sant Emetèri- de la vila de Gràcia.

Isopet se trobava plan, a l'estanquet, ambe lo Sant Emetèri, mas caliá far las danças. L'infòc profiechèt per questionar lo monde. E calriá parlar un pauqueton de libres, se que non semblariá un programa de Ferriòl Macip. Tant que Isopet sap far plan lo musician, lo regent, doblator, animator... l'avèm pres de borsièr. Tè, Isopet ! 12 trabalhs, 13 misérias ! ¿ Cossí destriar un poèta autentic entre la molonada de rimassaires ronhoses ? Un agachant avisat ne veirà l'invisible rama de laurièr, e l'aura. Isopet nos trobèt un poèta autentic, e nos l'entrevistèt per l'infòc.

Monde, e aquò vos impressiona ? Semblariá que los neozelandeses aguèssen inventat lo rogbí!

Çò qu'avètz vist, es un breçairòla pels manits. ¿Volètz veire cossí cantan los òmes rudes? Vos calrà venir a BONUS TRACK, l'apond d'internet que fa l'integrala de l'infòc, per ausir lo cant rude dels jogaires del país del rugbí : Occitània. Tre diluns al ser, disponible sul tag infoidiomes de www.btvnotices.cat .  Çai venètz... e agachatz !