Info Occità aranès

Bon dia! Arpitània qu'ei eth territòri dera lengua arpitana o francoprovençau. Que sagís dun airau culturau e lingüistic actuauments repartit entre Itàlia, Soïssa e França. Eth passat dia 10 de hereuèr ua còlha dera Alliance Culturèla Arpitanna vengueren a presentar eth sòn país en Barcelona. Era equipa dera infòc les anèrem a trapar ena sedença deth CAOC.

Diuendres 11 de hereuèr se debanèc era net occitana en marc deth hestivau Tradicionàrius. Ath delà deth concèrt de Patric, es grops Kaj Tiel Plu (que presentaue eth sòn tresau disc) e Mirabèl aufriren un balh tradicionau.

Eth hestivau Barnasants que prepause enguan ua considerabla connexion occitana

Alavetz, donques, concèrts de Claudi Martí eth dia 10 de març ena sala Luz de Gas, Eric Fraj er 11 de març en Centro Galego de Barcelona, Guilhem Lopez eth 12 de març en Centre Artesà Tradicionàrius e Lo Davi & Phyteas eth 18 de març en Harlem Jazz Club.
Eth projècte Poesia Sense Frontères organizat pera Euroregion Pirenèus-Mediterranèa, siguèc presentat en Institut Francés de Barcelona. Mercés ara Lei der occitan, aranés en Aran, era presentacion se poguèc amiar a tèrme en occitan.

E açò qu'ei tot per aué. Adishatz.